कैलाली । सुदूरपश्चिम सरकार विस्तार बिहीबार हुने भएको छ । मंगलबार प्रधानमन्त्री पुष्पकमल दाहाल प्रचण्ड समेतको उपस्थितिमा भएको छलफलमा नाउपा प्रदेश सरकारमा सहभागी हुन तयार भएको हो।

नागरिक उन्मुक्तिले १ मन्त्री १ राज्यमन्त्री र २ समितिको सभापति पाउने सहमति भएको पार्टीको स्रोतले जनाएको छ ।

नाउपाले सरकारमा सहभागी हुन २ मन्त्रालय पाउनैपर्ने अडान राखेपछि सहमति हुन सकेको थिएन। जसकारण प्रदेश सरकारले पूर्णता पाउन सकेको थिएन। अब भने सहमति भएको छ । सहमतिसँगै सुदूरपश्चिम सरकारले पूर्णता पाउने भएको छ ।