काठमाडौँ । तेस्रो एकदिवसीय खेलमा भारतले वेस्ट इन्डिजलाई २०० रनले पराजित गरेको छ ।

योसँगै भारतले तीन खेलको सिरिज २–१ ले जितेको छ । भारतले वेस्ट इन्डिज विरुद्धको लगातार १३औं एकदिवसीय सिरिज जितेको छ । भारतले एउटै टोलीविरुद्ध लगातार एकदिवसीय सिरिज जित्ने आफ्नो कीर्तिमानलाई सुधारेको छ ।

यस खेलमा पहिले ब्याटिङ गरेको भारतले पाँच विकेट गुमाएर ३५१ रन बनाएको थियो । भारतका लागि चार ब्याट्सम्यानले अर्धशतकीय पारी खेले । भारतका लागि शुभमन गिलले सर्बाधिक ८५ रन बनाए भने इशान किशनले ७७, कप्तान हार्दिक पाण्डेयले ७०, सन्जु सामसनले ५१ रन बनाए ।

जवाफमा वेस्ट इन्डिजको टोली ३५.३ ओभरमा १५१ रनमा सिमित भयो र २०० रनले पराजित भयो । वेस्ट इन्डिजविरुद्धको एकदिवसीय क्रिकेटमा भारतको यो दोस्रो ठूलो जित हो । यसअघि २०१८ मा भारतले वेस्ट इन्डिजलाई २२४ रनले हराएको थियो ।

यस खेलको प्लेयर अफ द म्याच शुभमन गिल बने भने तिनै खेलमा अर्धशतक बनाएका इशान किसन प्लेयर अफ द सिरिज बनेका छन् ।

वेस्ट इन्डिज टूरमा रहेको भारतले अब ५ खेलको टी(२० सिरिज खेल्ने छ । सिरिजको पहिलो खेल विहिबार हुने छ ।