काठमाडौं । नेकपा एमालेका अध्यक्ष केपी शर्मा ओलीले सुन तस्करीको छानबिनका लागि एमालेले संसदीय समिति नभएर वहालवाला वा पूर्व न्यायाधीशको नेतृत्वमा उच्चस्तरीय स्वतन्त्र छानबिन समितिको कुरा गरेको बताएका छन् । उनले संसदीय समिति एमालेले स्वीकार नगर्ने पनि बताए ।

पार्टी केन्द्रीय कार्यालय च्यासल ललितपुरमा आयोजित पत्रकार सम्मेलनमा बोल्दै ओलीले संसदीय समिति कस्तो हुन्छ भनेर पोहोर नै हेरिएको बताए । ‘सभापति उहाँहरुकै चाहिन्छ, बहुमत उहाँहरुकै चाहिन्छ’, ओलीले भने, यो पनि छानबिन गर्नैपर्दैन, त्यो पनि छानबिन गर्नुपर्दैन भन्छ । सुन तस्करीको कहानी नै गलत हो, प्रतिपक्षले बनाएको हो भन्ने बेर छैन ।’

‘अहिले गठबन्धनले संसदीय मर्यादा राखेर छानबिन गर्न सक्दैन, दलिय गठबन्धन अगाडि आउँछ’, एमाले अध्यक्ष ओलीले भने ।

अहिले जे मा हेरयो सुनै सुन देखिन थालेको भन्दै सरकारमाथी कडा टिप्पणी पनि ओलीले गरे । ‘जे सामान ल्याएको छ, त्यही सुन छ,’ ओलीले भने, ‘यत्तिको तस्करी हुँदा पनि सरकार मुकदर्शक बनेर नालायाक भएर बसेको छ । सरकारले उत्तिबेलै राजीनामा दिनुपर्ने दिएको छैन ।