काठमाडौं । सशस्त्र प्रहरीका १२ जना उपरीक्षक (एसपी) सशस्त्र प्रहरी वरिष्ठ उपरीक्षक (एसएसपी) मा सिफारिस भएका छन् ।

सशस्त्र प्रहरीमा प्रहरी निरीक्षक (इन्स्पेक्टर) बाट भर्ना भएका दोस्रो ब्याचीहरूको एसएसपीमा बढुवा सिफारिस भएको हो। एसएसपीमा बढुवा सिफारिस हुने २०७५ साल चैत १५ गते एसपीमा बढुवा भएका अधिकृतहरू हुन्।

यही ब्याचका १५ जना २०७७ जेठ ५ गते एसपी बढुवा भएका थिए।

कार्यसम्पादन मूल्यांकन, जेष्ठता, व्यावसायिक क्षमतालगायत नियमावलीमा उल्लेख गरिएको बढुवासम्बन्धी आधारलाई लिएर बढुवा गरिएको हो।

बढुवामा गृह मन्त्रालयको समेत कुनै हस्तक्षेप नरहेको सशस्त्र प्रहरी बलले जनाएको छ ।