काठमाडौं । प्रधानमन्त्री पुष्पकमल दाहाल प्रचण्डले धादिङको गजुरी २ मा भएको बस दुर्घटनाको उद्दार कार्य प्रभावकारी बनाउन निर्देशन दिएका छन् । प्रधानमन्त्रीले गृह प्रशासन, सुरक्षा अंग र स्थानीय प्रशासन लगायत सम्वन्धित सबैलाई त्यस्तो निर्देशन दिएका हुन् ।

काठमाडौंबाट पोखरा हुँदै म्याग्दीको सदरमुकाम बेनीतर्फ जाँदै गरेको बस आज बिहान ११ बजे गजुरीमा दुर्घटनामा परेको थियो । दुर्घटनामा परी ८ जनाको निधन भईसकेको छ । १३ जनाको उद्दार गरि काठमाडौं पठाइएको छ ।

प्रधानमन्त्रीले घटनाप्रति दुख ब्यक्त गदैं सवारी दुर्घटनामा परी ज्यान गुमाउनुहुने मृतकहरूप्रति भावपूर्ण श्रद्धाञ्जली अर्पण गर्दै शोक सन्तप्त परिवार र शुभेच्छुकहरूमा समवेदना प्रकट गरेका छन् । साथै घाइते यात्रुहरूको शीघ्र स्वास्थ्यलाभको कामना गर्दै प्रधानमन्त्रीले उद्दारकार्य प्रभावकारी बनाउन निर्देशन गरेका हुन् ।