काठमाडौं । चीनसँगको उत्तरी सीमानाका तातोपानी आजदेखि पूर्ण रुपमा खुलेको छ। नेपाल-चीन बीचको प्रमुख व्यापारिक नाका तातोपानी शुक्रबारदेखि स्थानीयका लागि आवतजावत खोलिएको हो ।

पहिलो दिन भोटेकोशी गाउँपालिकाभित्रका ३० जना स्थानीयलाई नाका प्रवेश गराएर औपचारिकरूपमा नाकामा प्रवेश गराइयो ।

विसं २०७२ को भूकम्पयता तातोपानी नाका बन्द थियाे । यहाँ तीन महिनाअघिदेखि मात्र मालवाहक सवारीको आवतजावत खुलेको थियो । शुक्रबारदेखि भने स्थानीयको आवागमन खुल्ला गरिएको हाे । सिन्धुपाल्चोकका स्थानीयले आवतजावतका लागि एक वर्ष अवधि रहेको पास पाउने बताइएकाे छ ।