रुपन्देही । नेकपा एमाले लुम्बिनी प्रदेश अध्यक्षमा १०० मत गन्दा दुबै उम्मेदवारको बराबरी मत आएको छ । प्रारम्भिक नतिजामा अध्यक्षका उम्मेदवार राधाकृष्ण कंडेलले ५० मत पाउंदा अर्का उम्मेदवार हरिप्रसाद रिजालले पनि ५० मत नै पाएका निर्वाचन समितिले जनाएको छ ।

कुल १ हजार ५ जना प्रतिनिधि मतदाता रहेकोमा ९६५ मत खसेको थियो ।

मुख्य निर्वाचन अधिकृत हरिप्रसाद भण्डारीले आजै रातिसम्म गणना सकेर मतपरिणाम सार्वजनिक गर्ने तयारीमा आफूहरू रहेको जानकारी दिए ।

प्रत्येक सय मत गनेर सकेपछि परिणाम सार्वजनिक गरिने निर्वाचन समितिले जनाएको छ ।

पाँच पदाधिकारीमध्ये चार पदमा निर्वाचन भएको छ ।