धनगढी । कञ्चनपुरमा सडकमा आक्रमण गरेर लुटपाट गरेको अभियोगमा प्रहरीले दुई जनालाई पक्राउ गरेको छ ।

पक्राउ पर्नेमा वेदकोट नगरपालिका- २ दैजी बस्ने २२ वर्षीय कमल चौधरी र २७ वर्षीय राजु डगौरा रहेका छन् ।

प्रहरीका अनुसार उनीहरुले बुधबार साँझ शुक्लाफाँटा नगरपालिका–५ स्थित अर्जुनी जंगलमा बुधबार साँझ २ जनामाथि आक्रमण गरी लुटपाट गरेका थिए।

उनीहरुले शुक्लाफाँटा नगरपालिका-५ बस्ने ४० वर्षीय अम्बादत्त जोशी र उनकी बहिनी द्रोपती जोशीमाथि कुटपिट गरेका थिए। साथै द्रोपतीले घाँटीमा लागाएको ८ आनाको तिलहरी, मोबाइल लुटेर फरार भएका थिए।

दुवै जनालाई इलाका प्रहरी कार्यालय झलारीको टोलीले पक्राउ गरेको हो।

कुटपिटबाट घाइते भएका अम्बादत्तको दुवै हात र खुट्टामा चोट लागेको छ । उनको स्थानीय स्वास्थ्य संस्थामा उपचार भइरहेको छ।