सुर्खेत । नेकपा एमालेको कर्णाली प्रदेश अधिवेशन सुरु भएको छ । पार्टी अध्यक्ष केपी शर्मा ओलीले अधिवेशनको आज सुर्खेत वीरेन्द्रनगरमा उद्घाटन गरेका छन् ।

अधिवेशनलाई महासचिव शंकर पोखरेल, सचिव तथा कर्णाली प्रदेश इन्चार्ज लेखराज भट्टलगायतका नेताहरूले सम्बोधन गर्ने कार्यतालिका रहेको छ।

अधिवेशनमा १० जिल्ला र मोर्चा संगठनबाट ६०४ जना प्रतिनिधिले भाग लिनेछन्। जसमा एक सय ९५ जना महिला र चार सय सात जना पुरुष रहनेछन्। एमालेले छानेका प्रतिनिधिमा ७३ जना पुरुष र ३८ महिला गरी एक सय ११ जनाको दलित प्रतिनिधित्व रहनेछ।

दुई दिनसम्म चल्ने अधिवेशनले पार्टीको राजनीतिक, सांगठानिक र आर्थिक प्रतिवेदन पारित गर्नेछ भने पाँच जना पदाधिकारीसहित १ सय ३५ सदस्यीय प्रदेश कमिटी निर्वाचित गर्नेछ।