काठमाडौँ । एक दिवसीय क्रिकेट विश्वकपमा न्युजिल्याण्डले नेदरल्याण्डलाई ३२३ रनको लक्ष्य दिएको छ ।

भारतको हैदरावादमा भएको छैटौँ खेलमा नेदरल्याण्डले टस जितेर फिल्डिङ गर्ने निर्णय लिएको थियो ।

टस हारेर ब्याटिङ गरेको न्युजिल्याण्डले ७ विकेटको क्षतिमा ३२२ रन बनायो । न्युजिल्याण्डका लागि विल योङ, रचिन रविन्द्र र क्याप्टेन टम लाथमले अर्धशतक प्रहार गरे ।

योङले ७०, रविन्द्रले ५१ र लाथमले ५३ रन प्रहार गरे ।

नेदरल्याण्डका लागि आर्यन दत्त, पाउल भान मेकेरेन र रेइलोव भान डेर मेरवेले दुई, दुई विकेट लिए ।