विराटनगर । कोशी प्रदेशका नवनियुक्त मुख्यमन्त्री केदार कार्कीको शपथग्रहण आइतबार हुने भएको छ । उनको शपथ आइतबार दिउँसो १ देखि ३ बजेभित्र हुने प्रदेश प्रमुखको सचिवालयले जनाएको हो ।

कार्कीलाई प्रदेश प्रमुख पर्शुराम खापुङले आजै मुख्यमन्त्रीमा नियुक्त गरेका थिए । उनलाई मुख्यमन्त्री पदमा नियुक्त गर्नुअघि नेकपा (एमाले) का ३९ तथा कांग्रेसका आठ प्रदेशसभा सदस्यको हस्ताक्षर सनाखत गरिएको थियो ।

कार्कीलाई नेपालको संविधानको धारा १६८ को उपधारा (५० बमोजिम मुख्यमन्त्री पदमा नियुक्त गरिएको हो ।

यसअघि नेकपा (एमाले) का ३९ तथा कांग्रेसका आठ मुख्यमन्त्रीमा नियुक्त कार्कीसहित इन्दिरा थापा, शम्शेर राई, लीलाकुमारी राई, गोविन्द गिरी, सुनिताकुमारी गुरुङ, रामकुमार खत्री र मानबहादुर लिम्बू० को प्रदेश प्रमुखको कार्यालयमा सनाखत गरिएको थियो ।