काठमाण्डौ । आईसीसी एकदिवसीय विश्वकप क्रिकेटमा न्युजिल्यान्डले अफगानिस्तानलाई २ सय ८९ रनको लक्ष्य दिएको छ ।

भारतको चेन्नईमा टस हारेर पहिले ब्याटिङको निम्तो पाएको न्युजिल्यान्डले ५० ओभरमा ६ विकेट गुमाएर २ सय ८८ रन बनायो । न्युजिल्यान्डका लागि ग्लेन फिलिप्सले सर्वाधिक ७१ तथा टम लाथमले ६८ र विल योङले ५४ रन बनाए । बलिङतर्फ अफगानिस्तानका नवीन उल हक र अजमतुल्लाह ओमरजाईले २, २ विकेट लिए ।

अंक तालिकामा न्युजिल्यान्ड ६ अंकसहित दोस्रो स्थानमा छ । अफगानिस्तान छैटौँ स्थानमा छ ।