काठमाडौं । त्रिकोणात्मक टी–२० क्रिकेट सिरिज अन्तर्गतको जारी खेलमा यूएईले नेपाललाई १६५ रनको बलियो लक्ष्य दिएको छ ।

मुलपानी क्रिकेट मैदानमा टस हारेर पहिले ब्याटिङ गरेको यूएईले निर्धारित २० ओभरमा ७ विकेट गुमाएर १६४ रन बनाएको हो ।

यूएईका लागि वृत्य अरविन्द र बासिल हमीदले समान ४५ र४५ रन बनाए । यस्तै आसिफ खान १८, खालिद शाह १२, अलिशान शराफु ९, अल नासिर ९ र मोहम्मद वासिम ८ रन जोडे । त्यसैगरी निलान्स केश्वानी ८ र अकिफ राजा ५ रनमा अविजित रहे ।

नेपालका लागि सोमपाल कामी र अविनाश बोहोराले समान २/२ विकेट लिए । यस्तै करण केसी र गुल्शन झाले एक/एक विकेट लिए ।