काठमाडौँ । जारी क्रिकेट विश्वकपमा आज बंगलादेश र श्रीलंका भिड्दैछन् । खेल दिल्लीस्थित अरुण जेटली क्रिकेट मैदानमा हुने नेपाली समय अनुसार अपराहन्न २:१५ बजेदेखि शुरु हुँदैछ ।

श्रीलंकाको ७ खेलमा २ जित र ५ खेलमा हारसहित ४ अंक रहेको छ । त्यस्तै बंगलादेशले भने ७ मध्ये ६ खेलमा हार बेहोरेको छ ।

यो खेलपछि श्रीलंकाले आफ्नो अन्तिम खेल न्यूजील्याण्डसँग खेल्ने छ भने बंगालदेशले अस्ट्रेलियासँग खेल्ने छ ।

श्रीलंकाको सम्भावित प्लेइङ ११- कुसल मेन्डिस (कप्तान), दिमुथ करुनारत्ने, पथुम निसान्का, सदिरा समरविक्रमा, चारिथ असालान्का, दुशान हेमान्था, एन्गोलो म्याथ्युस, महीश थिकक्षना, कसुना रजिथा, दुशमन्थ चामीरा र दिलशान मधुशानका ।

बंगलादेशको सम्भावित प्लेईङ ११- शकिब अल हसन (कप्तान), नजमुल हुसेन शान्तो (उपकप्तान), लिट्टन दास, तान्जिद हसन तमिम, तौहिद ह्रिदोय, मुशफिकुर रहिम, मधुमुल्लाह, मेहदी हसन मिराज, तस्किन अहमद, मुस्ताफिजुर रहमान र शोरिफुल इस्लाम ।