काठमाडौं । राष्ट्रिय स्वतन्त्र पार्टी (रास्वपा)को केन्द्रीय समिति र संसदीय दलको संयुक्त बैठक आज बस्दैछ । दिउँसो १ बजे पार्टी केन्द्रीय कार्यालय बनस्थलीमा बस्ने बैठकमा पार्टीको महाधिवेशनका बारेमा छलफल हुनेछ ।
महामन्त्री एवं प्रवक्ता मुकुल ढकालले आज बोलाइएको बैठकमा महाधिवेशन प्रक्रियासहित विभिन्न विषयमा छलफल गरिने बताए ।

बैठकमा पश्चिम नेपालमा गएको भूकम्पमा पार्टीले गरेको काम, भूकम्प प्रभावित क्षेत्रमा उद्धार, राहत, उपचार र पुनर्निर्माण विषयमा सरकारको कामको समीक्षा समेत गरिने उनले बताए ।