काठमाडौँ । काठमाडौँको रानीपोखरीको बीचमा रहेको बालगोपालेश्वर मन्दिरमा भाइटीका लगाउने क्रम सुरु भएको छ।

दिदी बहिनी र दाजुभाइ नहुनेले आज बालगोपालेश्वरमा भाइटीका लगाउने गर्छन्। भाइटीकाको लागि यो मन्दिर वर्षमा एकपटक आजैका दिनमात्र खुला गरिन्छ।

दिदीबहिनी एवं दाजुभाइ नहुनेहरु यतिबेला भाइटीका लगाउन बालगोपालेश्वर मन्दिरमा पुग्ने क्रम सुरु भएको छ।

बाल गोपालेश्वर मन्दिर आज दिनभर खुला गर्न सबै तयारी पूरा भएको काठमाडौँ महानगरपालिकाले जनाएको छ।