प्युठान । प्यूठान जिल्लाको नौबहिनी गाउँपालिका–३ खवाङमा आमाछोरा मृत अवस्थामा फेला परेका छन् ।

स्थानीय २२ वर्षीया रीमा बुढामगर र उनका ३ वर्षीय छोरा मुस्कान बुढामगर मृत भेटिएका हुन् । आमाको शब शुक्रबार र छोराको शब शनिबार फेला परेको हो । उनीहरु ४ दिन देखि हराईरहेका थिए ।

घरदेखि झण्डै १५० मिटर नजिकको भीरमा आमा छोराको शव फेला परेको जिल्ला प्रहरी कार्यालय प्युठानका प्रहरी निरीक्षक हुमानन्द खनालले जानकारी दिए ।

उनका अनुसार आमाको शव भेटिएको देखि ४० मिटर टाढा छोराको शव भेटिएको छ ।

प्रहरीले घटनाबारे थप अनुसन्धान गरिरहेको छ ।