काठमाडौं । पोखरामा केपी ओली कप टी-२० क्रिकेट प्रतियोगिता सुरु भएको छ ।

नेकपा एमालेका अध्यक्ष केपी शर्मा ओलीले बिहीबार प्रतियोगिताको उद्घाटन गरेका हुन् ।

उद्घाटन गर्दै अध्यक्ष ओलीले सरकारको लगानीबिना खेल र खेलाडीको विकास असम्भव भएको बताए ।

‘जबसम्म खेलाडीहरू व्यवसायिक बन्न सक्दैनन् । तबसम्म खेलकुदमा समृद्धि सम्भव छैन । यसको परिपूर्ति गर्ने काम सरकारको हो’, उनले भने ।

पोखरा रंगशाला भित्र रहेको क्रिकेट मैदानमा सुरु प्रतियोगितामा तिन विभागसहित ७ प्रदेश र आयोजकको दुई टोली गरि १२ टोली सहभागी छन्।