काठमाडौं । नेपाल सुपर लिग (एनएसएल) को दोस्रो संस्करण आज शुक्रबारदेखि सुरु हुँदैछ ।

एनएसएलको उद्घाटन खेलमा गत सिजनको च्याम्पियन काठमाडौँ रेजर्स र नवप्रवेशी स्र्पोटिङ इलाम एफसी भिड्दैछन्।

त्रिपुरेश्वरस्थित दशरथ रगंशालामा हुने खेल साँझ ६ बजे सुरु हुनेछ। खेलअघि मनोरञ्जनात्मक प्रस्तुति हुने आयोजक नेपाल स्पोट्र्स एण्ड इभेन्ट म्यानेजमेन्टले जनाएको छ।

मनोरञ्जनात्मक प्रस्तुती भने साँझ ४ बजेपछि सुरु हुनेछ। एनएसएल मङ्सिर ८ देखि पुस २१ गतेसम्म चल्नेछ ।

यो पटक गत सिजनका ६ सहित ९ टोलीले एनएसएलमा प्रतिस्पर्धा गर्नेछन्।

यस फ्रेन्चाइज लिगको पहिलो संस्करण २०७८ सालमा भएको थियो, जति बेला कोरोना भाइरस संक्रमणको महामारी चलिरहेको थियो ।
दशरथ रंगशालामा भएको त्यस प्रतियोगिता दर्शकविना नै चलेको थियो ।