काठमाडौं । पोर्चुगल पठाई दिने भन्दै १० लाख ठगी गर्ने एक जनालाई प्रहरीले पक्राउ गरेको छ ।

पक्राउ पर्नेमा स्थायी घर रोल्पा गंगादेव गाउँपालिका वडा. न ३ भई हाल काठमाडौँ महानगरपालिका वडा नं २६ गोंगबु बस्ने ३९ वर्षीय निमराज डाँगी रहेका छन् ।

डाँगीले जोनसन श्रेष्ठलाई वैदेशिक रोजगारीको लागि पोर्चुगल जान १६ लाख लाग्ने बताउदैँ होटलमा काम गरेवापत १ लाख २० हजार मासिक आम्दानी हु्ने प्रलोभनमा पारि १० लाख रकम लिएर सम्पर्क विहीन भएका थिए । पैसा लिएर सम्पर्क विहिन भएपछि पिडितले दिएको बयानका आधारमा खोजी गर्न काठमाडौँबाट खटिएको प्रहरी टोलीले आइतबार काठमाण्डौंको गोँगबुबाट पक्राउ गरी थप अनुसन्धानका लागि वैदेशिक रोजगार विभाग ताहाचल पठाएको छ ।