काठमाडौं । एसीसी यू–१९ एसिया कपको आफ्नो दोस्रो खेलमा अफगानिस्तानविरुद्ध नेपाल ७३ रनले पराजित भएको छ ।

आइतबार यूएईको आईसीसी एकेडेमी ओभल–२ मा भएको खेलमा अफगानिस्तानले दिएको २६२ रनको लक्ष्य पछ्याएको नेपालले ४०.१ ओभरमा १८८ रन जोडेर अलआउट भयो ।

नेपालका लागि ओपनर अर्जुन कुमालले उत्कृष्ट ब्याटिङ गर्दै ९१ रन बनाए । उनले १०८ बलमा १३ चौका प्रहार गरेका थिए ।

यस्तै कप्तान देव खनाल २४ र गुलशन झाले १७ रन बनाए । अन्य व्याटरले दोहोरो अंकमा रन जोड्न सकेनन्।

टस हारेर पहिले ब्याटिङको निम्तो पाएको अफगानिस्तानले ४९ दशमलव ३ ओभरमा ९ विकेट गुमाएर २६१ रन बनाएको थियो।