काठमाडौं । संसद सचिवालयका महासचिव डा भरतराज गौतमले पदबाट राजीनामा दिएका छन् ।

आइतबार साँझ गौतमले राष्ट्रपतिसमक्ष राजीनामा दिएका हुन् । उनले राजीनामा दिनुको कारण भने प्रष्ट पारिएको छैन् ।

गौतम ०७७ वैशाख २२ गते सो पदमा नियुक्त भएका थिए ।

उनको राजीनामाबारे आजै सभामुख देवराज घिमिरे र राष्ट्रिय सभा अध्यक्ष गणेश तिमल्सिनाले राष्ट्रपति रामचन्द्र पौडेलसँग छलफल समेत गरेका छन् ।

उनीहरूले राष्ट्रपति पौडेललाई भेटेर प्रतिनिधि सभा सचिव रहेका पदम पाण्डेलाई महासचिवमा सिफारिस गरेका छन्।