काठमाडौं । ललितपुरको बालकुमारीमा एक जना मन्त्रीको गाडीमा आगजनी गरिएको छ ।

रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले बा २ झ ५८६१ नम्बरको गाडीमा आगजनी गरेका हुन् । आगजनीबाट भौतिक, पूर्वाधार तथा यातायात मन्त्री प्रकाश ज्वालाको गाडी ध्वस्त बनेको छ भने मन्त्री ज्वाला भने सुरक्षित छन् ।

ललितपुर प्रहरी प्रमुख एसएसपी सिद्धिविक्रम शाहका अनुसार गाडीमा आगो लगाएको खबर आएको पछि प्रहरी टोली पनि त्यहाँ पुगेको छ ।

युवाहरूको आन्दोलनका कारण कोटेश्वर–कलंकी सडकको यातायात प्रभावित भएको छ ।