काठमाडौं । नेपाली कांग्रेसको शेखर कोइराला समूहले राष्ट्रियसभा सदस्य निर्वाचनमा आफ्नो पक्षका ४ जना उम्मेदवार हुनुपर्ने माग राखेको छ ।

समूहको आइतबार भएको छलफलले गठबन्धनबाट पार्टीले पाएको १० सिटमध्ये ४ सिटमा आफू पक्षको उम्मेदवार हुनुपर्ने माग गरेको हो ।

सोही कुरा केन्द्रीय कार्यसम्पादन समिति बैठकमा राख्ने निर्णय भएको छलफलमा सहभागी एक नेताले जानकारी दिए । “१० सिट मध्ये हामीले मागेको चार सिट हो’, उनले भने ‘सोही कुरा कार्यसम्पादन बैठकमा राख्छौँ ।’