काठमाडौं । राष्ट्रिय स्वतन्त्र पार्टी (रास्वपा) केन्द्रीय समितिको बैठक बोलाएको छ।

माघ ३ गते बुधबारका लागि बस्ने गरेर रास्वपाले केन्द्रीय समितिको बैठक बोलाएको हो।

बैठकमा आर्थिक, प्रशासनिक र विभागीय नियमावली, विभागहरुको कार्य प्रगति विवरण तथा पदयात्राका विषयमा छलफल बताइएको छ।

विकास निर्माणका कार्यमा सरकारलाई दबाब दिन पदयात्रा गर्न लागिएको र सो पदयात्रामा खटिने नेताहरुको विषयमा यही बैठकले निर्णय गर्ने रास्वापाले जनाएको छ । रास्वपाले २१ वटा विकास आयोजनामा पदयात्रा गर्ने तयारी गरेको छ।