काठमाडौं । आईसीसी यू–१९ विश्वकपमा नेपाल पाकिस्तानसँग पराजित भएको छ ।

बुधबार दक्षिण अफ्रिकाको इस्ट लन्डनस्थित बफेलो पार्कमा नेपाल पाकिस्तानसँग पाँच विकेटले पराजित भएको हो ।

नेपालले दिएको १९८ रनको लक्ष्य पाकिस्ताले पाँच विकेटको क्षतिमा ४७.४ ओभरमै भेट्टायो ।

टस जितेर सुरुमा ब्याटिङ गरेको नेपालले निर्धारित ५० ओभर खेल्दै सबै विकेट गुमाएर १९७ रन बनाएको थियो ।

नेपालले अब सुपर सिक्समा पुग्न शुक्रबार अफगानिस्तानलाई हराउनु पर्ने हुन्छ । अन्यथा समूह चरणबाट बाहिरिनेछ ।