जनकपुरधाम । जनकपुरधामस्थित एक होटलमा बेहोस अवस्थामा भेटिएकी युवतीको मृत्यु भएको छ।

सिटी स्टार फेमली होटलमा बेहोस भेटिएकी पोखराको मियाँ टोल बस्ने २७ वर्षीया खुसबु सुनारको मृत्यु भएको जिल्ला प्रहरी कार्यालय धनुषाले जनाएको छ।

प्रहरीका अनुसार खुसबु मंगलबार बिहान होटलमा अचेत अवस्थामा भेटिएकी थिइन् । उनलाई तत्कालै उपचारका लागि प्रादेशिक अस्पताल लगिएको थियाे ।

मृतक युवतीको शव पोस्टमर्टमको लागि प्रादेशिक अस्पताल जनकपुरमा राखिएको छ।

प्रहरीका अनुसार ती युवतीसँगै एक जना युवक पनि होटलमा आएको थिए । घटनापछि युवक फरार भएका छन् । फरार युवकको खोजीसँगै घटना विषयमा थप अनुसन्धान गरिरहेको प्रहरीले जनाएको छ।