महोत्तरी । महोत्तरीको औरही नगरपालिका-६ बैरियामा अज्ञात समूहले चलाएको गोली लागेर बर्दिवास नगरपालिका १ का रोशन कोइराला घाइते भएका छन् ।

३० वर्षीय कोरालालाई अज्ञात समूहले दुई गोली प्रहार गरेको प्रहरीले जनाएको छ । एउटा गोली कोइरालाको हातमा र अर्को कोखामा लागेको जिल्ला प्रहरी प्रमुख एसपी दिनेश आचार्यले जानकारी दिए । गोली लागेर घाइते भएका कोइरालाको बर्दिवासस्थित जनसेवा अस्पतालमा उपचारका भइरहेको छ ।

कोइराला औरहीतर्फ गएको बेलामा बुधबार साँझ साढे ७ बजेतिर गोली प्रहार भएको एसपी आचार्यले बताए । घटनाको अनु्सन्धान भइरहेको प्रहरीले जनाएको छ ।