काठमाडौं । गएको वर्ष बलिउड अभिनेता शाहरुख खानले आफ्ना फिल्ममार्फत बक्सअफिसमा धमाका मच्चाएका थिए । उनका आगामी फिल्म ‘टाइगर भर्सेस पठान’ र ‘किङ’ पनि दर्शकको पर्खाइमा छन् ।

शाहरुखले कुनै फिल्ममा अभिनय गरेबापत पारिश्रमिकका रुपमा ठुलो रकम लिने गर्छन् । यद्यपी बजारमा शाहरुखका यस्ता फिल्म पनि छन् जसमा उनले एकरुपैयाँ पनि नलिएर काम गरेका छन् ।

भारतीय सञ्चारमाध्यमका अनुसार शाहरुखले फिल्म ‘क्रेजी ४‘ का लागि सित्तैमा प्रस्तुती दिएका थिए । अभिनेता खानले ‘दुल्हा मिल गया’ र ‘ए दिल हे मुशकिल’मा क्यामियो गरेका थिए । जसका लागि उनले कुनै शूल्क लिएनन् ।

यस्तै शाहरुखले फिल्म ‘भूतनाथ रिर्टन्स’ मा पनि सित्तैमा काम गरेका थिए । कमल हसन स्टारर फिल्म ‘हे राम’ का लागि पनि शाहरुखले कुनै शुल्क लिएनन् । यसको खुलासा हसन आफैले गरेका थिए ।