जब हामी मध्ये धेरैजसो बाहिरबाट आउँछौं, हामी आफ्नो अनुहार धुन्छौं र तौलियाले आफ्नो अनुहार सफा गर्छौं । यो सबै घरहरूमा हुन्छ र यसलाई सामान्य रूपमा लिइन्छ । तर यो बानीले हामीलाई ठूलो समस्यामा पार्न सक्छ । वास्तवमा परिवारका सबै सदस्यले एउटै तौलियाले बारम्बार अनुहार पुछ्दा फोहोर हुन्छ, जसका कारण संक्रमण हुन सक्छ ।

समयभन्दा पहिले चाउरीपना 

आफ्नो अनुहार धोएपछि तौलियाले आफ्नो अनुहारलाई कसेर रगड्नु हुँदैन । यसो गर्नाले अनुहारको लचिलोपन र चमक समाप्त हुन्छ । जसका कारण समय अगावै अनुहारमा चाउरी पर्न थाल्छ ।

पिम्पलको खतरा

घरमा प्रयोग हुने तौलिया सामान्यतया दिनहुँ धाेइदैन् , जसका कारण यसमा धेरै ब्याक्टेरिया र कीटाणु जम्मा हुन्छन् । जब तपाइँ त्यो तौलिया प्रयोग गर्नुहुन्छ, ती ब्याक्टेरियाले तपाइँको अनुहारमा आक्रमण गर्दछ । जसका कारण पिम्पल हुने गर्छ । त्यसैले तौलियालाई दैनिक केही समय घाममा सुकाउनु राम्रो हुन्छ ।

हातले सुकाउनुस् अनुहार

आफ्नो अनुहार धोएपछि, आफ्नो अनुहार सफा गर्न रुमाल वा नरम तौलिया प्रयोग गर्नुहोस् । यो तौलिया सफा हुनुपर्छ । तौलियाको प्रयोगबाट बच्न चाहनुहुन्छ भने हातले अनुहारमा जमेको पानी सफा गर्नुहोस् । यसो गर्नाले अनुहारको चमक कायम रहन्छ।

प्राकृतिक नरमपनामा हानि

हामी सबैको अनुहारमा प्राकृतिक नरमपना हुन्छ । यो आर्द्रता शरीरमा उत्पादन हुने हर्मोनका कारण उत्पन्न हुन्छ । यदि हामीले रगडेर अनुहार सफा गर्छौं भने त्यो प्राकृतिक नरमपना हराउँछ । त्यसैले अनुहार धोइसकेपछि यसलाई कहिल्यै धेरै रगड्नु हुँदैन।

-एजेन्सीको सहयोगमा