स्पेनमा बाढीका कारण मृत्यु हुनेको संख्या १५८ पुगेको छ। जसमा सबैभन्दा बढी भ्यालेन्सिया सहरमा १ सय ५५ जनाको मृत्यु भएको छ।

भ्यालेन्सियाको आपत्‌कालीन समन्वय केन्द्रले सामाजिक सञ्जालमार्फत यो जानकारी दिएको हो।

सोहीअनुसार पीडितको पहिचान गर्ने काम जारी छ।

स्पेनका प्रधानमन्त्री पेड्रो सान्चेजले पनि बिहीबार आपत्‌कालीन समन्वय केन्द्रको भ्रमण गरेका छन्।

बाढीले क्यास्टिल-ला मान्चामा दुई जना र अन्डालुसियामा एक जनाको मृत्यु भएको बीबीसीले जनाएको छ।