काठमाडौं । नेपाल क्रिकेट संघ (क्यान)ले विश्वकपमा छनोट भएको यू–१९ महिला टोलीका सदस्यहरुलाई नगदसहित सम्मान गर्ने भएको छ ।

क्रिकेट संघ (क्यान) का अनुसार टोलीका प्रत्येक खेलाडीलाई जनही २ लाख ५० हजार दिइनेछ । यस्तै अफिसियलले एक लाख ५० हजार पाउने क्यानले जानकारी दियाे ।

बुधबार यूएईलाई हराउँदे नेपाल आगामी जनवरीमा मलेसियामा हुने यु-१९ महिला विश्वकपमा छनोट भएको थियो । दोस्रो संस्करणको विश्वकपको लागि नेपाल पहिलोपटक छनोट भएको हो।