काठमाडौँ । रुकुम पूर्वको पुथाउत्तरगंगाको उपाध्यक्षमा नेकपा माओवादी केन्द्रका उपाध्यक्षका उम्मेदवारलाई समर्थन गर्दै नेकपा एकीकृत समाजवादीले आफ्नो उम्मेदवारी फिर्ता लिएको छ ।

दुई दलको सहमतिपछि एकीकृत समाजवादीकी सुनिता बुढामगरले उम्मेदवारी फिर्ता लिएकी हुन् । सहमतिसँगै सुनितामाओवादीकी उम्मेदवार नरपुरा बुढालाई समर्थन गरेकी छन्।

पुथाउत्तरगंगाको उपाध्यक्षमा अब नरपुरासहित ६ जनाको उम्मेदवारी दर्ता भएको छ ।

पालिकाको उपाध्यक्षमा विभिन्न दल र स्वतन्त्र गरेर ७ जनाको उम्मेदवारी दर्ता भएको थियो । बुढामगरले उम्मेदवारी फिर्ता लिएसँगै अब ६ जनाबीच प्रतिष्पर्धा हुने भएकाे छ ।