काठमाडौं। रौतहटको चन्द्रनिगाहपुरमा स्कार्पियो दुर्घटना हुँदा ८ जनाको मृत्यु भएको छ। घटनामा चारजना घाइते भएका छन् ।

बाराको पाँचवर्षे गढीमाई मेलाबाट सिरहातर्फ जाँदै गरेको बा १६ च ३१६२ नम्बरको स्कर्पियो चन्द्रनिगाहपुर–४ स्थित पूर्वपश्चिम राजमार्गमा रुखमा ठोक्किएर दुर्घटना भएको प्रहरीले जनाएको छ ।रौतहट प्रहरीका अनुसार मृतकको पहिचान खुलेको छैन भने शव चन्द्रनिगाहपुरस्थित सिभिल अस्पतालमा राखिएको छ।