काठमाडाैं। नेपाल प्रिमियर लिग (एनपीएल) को पुरस्कार राशि घोषणा भएको छ।

नेपाल क्रिकेट संघ (क्यान) ले मंगलबार पहिलो संस्करणको एनपीएलका विजेताले पाउने पुरस्कार राशि घोषणा गरेको हो।

क्यानका अनुसार विजेता टीमले एक करोड १० लाख रुपैयाँ पाउने भएको छ। यस्तै उपविजेताले ५१ लाख, तेस्रो स्थानमा रहने टिमले २५ लाख र चौथो स्थानमा रहने टिमले १५ लाख रुपैयाँ पाउने भएको छ।

मंसिर १४ गतेबाट जारी एनपीएलको प्लेअफमा सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स पुगेका छन्। बुधबार एलिमिनेटरमा चितवन र कर्णाली भिड्दैछन् ।

त्यस्तै पहिलो क्वालिफायर क्वालिफयरमा सुदूरपश्चिम र जनकपुर भिड्ने छन्। यो खेलको विजेता फाइनलमा प्रवेश गर्ने छ। पराजित टोलीले दोस्रो क्वालिफायरमा इलिमिनेटरको विजेता टोलीसँग भिड्नेछ।

फाइनल खेल पुस ६ गते (शनिबार) हुनेछ।