काठमाडौं । नेपाल आईसीसी यू-१९ महिला टी२० विश्वकपको समूह चरणबाटै बाहिरिएको छ ।

बुधबार भएको समूहको अन्तिम खेलमा नेपाल अष्ट्रेलिया सँग पराजित भएसँगै नेपाल समूह चरणबाटै बाहिरिएको हाे ।

समूह डी मा रहेको नेपाल बुधबार समूह चरणको अन्तिम खेलमा अस्ट्रेलियासँग ८३ रनले पराजित भयो । अस्ट्रेलियाले दिएको १४० रनको लक्ष्य पछ्याएको नेपालले निर्धारित २० ओभरमा ८ विकेट गुमाएर ५६ रन मात्र बनायो ।

यो नेपालको लगातार तेस्रो हार हो । हारसँगै नेपाल सुपर सिक्समा पुग्न असफल भएको छ । पहिलो खेलमा नेपाल बंगलादेश र दोस्रो खेलमा स्कटल्याण्डसँग पराजित भएको थियो ।