काठमाडौं । अमेरिकाको लसएन्जलस क्षेत्रमा डढेलोले फेरि पनि फैलिन थालेकाे छ ।

कास्टिक तलाउ नजिकको पहाडी क्षेत्रमा अहिले आगो लागेको हाे। यस क्षेत्रमा बिभिन्न धनीहरुको बस्ती र स्कुलहरु रहेका छन् ।

आगोको जोखिम क्षेत्रमा रहेका हजारौं व्यक्तिहरुलाई फेरि पनि सुरक्षित स्थानमा सारिएको छ ।

यो डढेलोले ८ हजार एकड भन्दा धेरै क्षेत्र जलाइसकेको छ । तीव्र हावा र सुख्खा झाडीका कारण डढेलो फैलिरहेकाे छ ।

अहिले लागेकाे डढेलोले यतिबेलासम्म कुनै पनि घर वा संरचनामा क्षति नपुगेकाे, तर १९ हजार व्यक्तिले आफ्नो घर छाडेर भाग्नुपरेकाे अवस्था छ ।

अमेरिकाको क्यालिफोर्निया राज्यमा पर्ने लसएन्जलस क्षेत्रको आगो निभाउन टोली परिचालन गरिएको छ ।

यसअघि पनि लसएन्जलस क्षेत्रको प्यासिफिक प्यालिसेड्स क्षेत्रबाट डढेलो फैलिएको थियो । यो डढेलोले लसएन्जलसको शहरी क्षेत्रमा दर्दनाक क्षति पुर्याएकाे थियाे भने, धेरै व्यक्तिहरुले ज्यान समेत गुमाएका थिए।