काठमाडौं । कञ्चनपुर जिल्लाको भिमदत्त नगरपालिका–१० गड्डाचौकीस्थित सीमा इलाकाबाट नखुलेको ६ लाख ८८ हजार भारतीय रुपैयाँसहित सशस्त्र प्रहरीले एक जनालाई नियन्त्रणमा लिएको छ।

सीमा सुरक्षा गुल्म गड्डाचौकी र ईलाका प्रहरी कार्यालय गड्डाचौकीको संयुक्त टोलीले भारतबाट नेपालतर्फ आउँदै गरेका रोल्पाको रोल्पा नगरपालिका–५ बस्ने ४५ वर्षीय टिके बिकलाई शंका लागि चेकजाँच गर्ने क्रममा स्रोत नखुलेको उक्त भारतीय रकम फेला पारी नियन्त्रणमा लिइएकव प्रहरीले जनाएको हो।

नियन्त्रणमा लिइएकालाई बरामद रुपैयाँसहित आवश्यक कारबाहीको लागि राजस्व अनुसन्धान कार्यालय कोहलपुर बाँकेमा बुझाइएको छ।