काठमाडौं । स्काइवेलको नयाँ शोरुम काठमाडौंको नक्सालमा खुलेको छ । यसअघि आधिकारीक बिक्रेता जी मोटर्सले भक्तपुरमा रहेको शोरुमबाट स्काइवेलका गाडी बिक्री गर्दै आएको थियो ।

चिनियाँ ब्राण्ड स्काइवेलको विद्युतीय एसयूभी ईटी-५ र बीई-११ मोडल अहिले नेपाली बजारमा बिक्री हुँदै आएका छन् । स्काइवेलको ठूलो एसयूभी ईटी-५ मा ८६ किलोवाट आवरको ब्याट्री उपलब्ध छ । कम्पनीले १ करोड १० लाख मूल्य तोकेर बिक्री गर्दै आएको छ ।

साथै, कम्पनीले ब्याट्री साइज कम गर्दै नाम पनि परिवर्तन गरेर बीई-११ एसयूभी उपलब्ध गराएको छ । यसको इन्ट्री भेरियन्टमा ५१ किलोवाट आवर र बीचको भेरियन्टमा ७१ किलोवाट आवरको ब्याट्री छ । मूल्य पनि क्रमशः ७५ लाख ९० हजार रुपैयाँ र ८५ लाख ९० हजार रुपैयाँ तोकेर बिक्री गर्दै आएको छ ।

कम्पनीले बिक्री गर्दै आएको सबै भेरियन्टमा मोटर साइज भने समान १५० किलोवाटको छ । यसअघि भक्तपुर नै पुगेर गाडी टच एण्ड फिल गर्नु पर्ने उपभोक्तालाई नक्सालमा शोरुम खुलेको कारण भक्तपुर पुग्नु पर्ने अवस्थाको अन्त्य भएको छ ।