काठमाडौं । ग्लोबल आईएमई बैंकका ग्राहकहरूले लुम्बिनी मेडिकल कलेज एन्ड शिक्षण अस्पताल विशेष छुट पाउने भएका छन् । बैंकले आफ्ना ग्राहकहरूले सो अस्पतालमा उपलब्ध हुने विभिन्न स्वास्थ्य सेवा लिँदा २५ प्रतिशतसम्म छुट प्रदान गर्ने गरी सम्झौता गरेको छ ।

सोसम्बन्धी सम्झौतापत्रमा बैंकका लुम्बिनी प्रदेश प्रमुख शान्ता शिवाकोटी र अस्पतालका अध्यक्ष गोपालबहादुर पोखरेलले हस्ताक्षर गरेका छन् ।

सम्झौताअनुसार अस्पतालले बैंकका डेबिट/क्रेडिट कार्ड एवं बैंकको मोबाइल एप (ग्लोबल स्मार्ट प्लस) प्रयोगकर्ताहरूलाई अस्पतालले प्रदान गर्ने स्वास्थ्य सेवा तथा औषधिमा लाग्ने शुल्कमा २५ प्रतिशतसम्म छुट प्रदान गर्नेेछ ।

अस्पतालले बैंकका ग्राहकहरूलाई अस्पतालको सामान्य बेड, प्रयोगशाला परीक्षण, एक्स–रे, अल्ट्रासोनोग्राफी, ओपीडी र अपरेसनलगायतका सेवाहरूमा २५ प्रतिशतसम्मको छुट प्रदान गर्नेछ ।

यस साझेदारीपश्चात् ग्लोबल आईएमई बैंकका ग्राहकहरूले गुणस्तरीय स्वास्थ्य सेवा सुविधाहरू उचित दरमा प्राप्त गर्ने र अस्पतालले स्वास्थ्य सेवा तथा सुविधाहरू विस्तार गर्न यस सहकार्यले सहयोग पुग्ने अध्यक्ष पोखरेलले बताए ।