रुपन्देही । रुपन्देही जिल्लामा कोरोना भाइरस (कोभिड–१९) बाट संक्रमित एक जनाले आत्महत्या गरेका छन् । सैनामैना नगरपालिका १ वनकट्टामा नगरपालिकाले सञ्चालन गरेको अस्थायी कोरोना अस्पतालमा भर्ना भएका ४० वर्षीय पुरुषले शनिबार बिहान आत्महत्या गरेका हुन् ।

गत १६ गते कोरोना पोजेटिभ देखिएपछि उनलाई सोही अस्पतालमा भर्ना गरिएको थियो । अस्पतालका स्वास्थ्यकर्मी दीपक पाण्डका अनुसार ती पुरुषले बिहान ४ बजे शौचालय जाने बहानामा झुण्डिएर आत्महत्या गरेको हो । स्वास्थ्य अवस्था सामान्य हुँदा पनि परिवारको आग्रहमा उनलाई अस्पताल भर्ना गरिएको थियो ।

अस्पतालमा भर्ना भएका मध्ये एक जनाको संक्रमितको मृत्यु भइसकेको छ । अस्पतालमा हाल ९ जना संक्रमितले उपचार गरिरहेका छन् ।