काठमाडौं । काराेबारकाे चाैथाेदिन बुधबार सेयर बजार दाेहाेराे अंकले बढेको छ ।

आज नेप्से परिसूचक ४० दशलमव ४७ अंकले बढेर २,६२३ को विन्दुमा कायम भएको छ ।

बुधबार २३१ कम्पनीको सेयर मूल्य बढेको छ भने १२ कम्पनीको मात्रै घटेको छ । आज ३१७ कम्पनीको ९१ लाख ४२ हजार ९४१ कित्ता सेयर किनबेच हुँदा ४ अर्ब २० करोडको शेयर कारोबार भएको छ ।

आज सबैभन्दा धेरै हिमालयन रिइन्स्योरेन्सको सेयर कारोबार भएको छ । आज यस कम्पनीको ४१ करोड ८६ लाख रुपैयाँको कारोबार भएको छ ।

यस्तै नेपाल पुनर्बीमा कम्पनीको ३१ करोड ६३ लाख रुपैयाँको सेयर कारोबार भएको छ । गार्डियन माइक्रो लाइफको २२ करोड ९८लाख रुपैयाँको सेयर कारोबार भएको छ ।