काठमाडौं – समाजवादी मोर्चाका शीर्ष नेता पूर्व राजाका समर्थकको एक समूहले आगजनी गरेको नेकपा (एकीकृत समाजवादी) पार्टी कार्यालयको अनुगमनमा पुगेका छन्। शुक्रबार तीनकुनेमा हिंसा भड्किएपछि एउटा समूहले नेकपा एसकको कार्यालयमा अगजनी गरेको थियो।

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सहित मोर्चाका शीर्ष नेता मोर्चाका अर्का नेता माधवकुमार नेपाल अध्यक्ष रहेको नेकपा एसको पार्टीकार्यालयमा भएको क्षतिको अनुगमन गर्न पुगेका हुन्।प्रचण्डको निजी सचिवालयका अनुसार मोर्चाका नेताले राजतन्त्र पुनःस्थापनको माग राखेर आन्दोलनरत समूहले तोडफोड र आगजनी गरेको नेपाल कम्युनिस्ट पार्टी एकीकृत समाजवादीको कार्यालयको स्थलगत अनुगमन गरेका हुन्।