काठमाडौं । काठमाडौँको माकलबारीमा गाडिएको अवस्थामा एक युवकको शव भेटिएको छ ।

चैत ११ गतेदेखि हराइरहेका राहुल साहको चैत १५ गते माकलबारीको आरके मोटरसाइकल वर्कसपको पछाडी जमिनमा गाडीएको अवस्थामा शव फेला परेको प्रहरीले जानकारी दियो ।

साहको हत्या आरोपमा प्रहरीले ६ जनालाई पक्राउ गरेको छ ।

पक्राउ पर्नेहरुमा भारतको बिहार घर भई काठमाडौं दक्षिणढोका बस्ने २९ वर्षीय सुनिल शर्मा, सर्लाहीको चक्रघट्टा गाउँपालिका–१ घर भएका २२ वर्षीय निपु मण्डल, सोही गाउँपालिका–६ का १८ वर्षीय विजय यादव, सोही ठाउँका १८ वर्षकै करन कुमार महतो, सोही ठाउँका २३ वर्षीय जोधन मण्डल र ४५ वर्षीय उत्तम मण्डल छन् ।

सर्लाहीको चक्रघट्टा-८ घर भइ काठमाडौं गोकर्णेश्वर बाहुनधारा बस्दै आएका १९ वर्षीय साह हराएको सूचना प्रहरी वृत्त बोद्धमा पुगेपछि प्रहरीले खोजतलास गरेको थियो।

घटनाको प्रारम्भिक अनुसन्धानको क्रममा लेनदेनको विषयलाई लिई उनकाेको हत्या गरेको खुलेको जिल्ला प्रहरी परिसर काठमाडौंले जानकारी दियो ।