तेलअहिव । गत महिनाको १८ तारिखमा इजरायलले पुनः गाजा पट्टीमा आक्रमण सुरू गरेको थियो । 

दुई महिनासम्म चलेको युद्धविराम इजरायली सेनाले अन्त्य गर्दै पुनः आक्रामण गरेको हो । पहिलो आक्रमणमा करिब २०० जनाको ज्यान गएको बताइएको छ । युद्धविराम तोड्नुको कारण हमासले बन्धक फिर्ताको दोस्रो चरणमा सुरुमा अनिच्छुक देखाएको थियो।

इजरायली सेनाले हमासका लक्ष्यमाथि जमिन, हवाई र जलमार्गबाट ​​लगातार तीनतर्फबाट आक्रमण गरिरहेको छ । आइडिएफ प्रवक्ता बीजी एफी डेफ्रिनले पुनः सुरु गरिएको अपरेशनको बारेमा जानकारी साझा गरेका छन । उनका अनुसार यसबिचमा ६०० आतंककारीहरूको लक्ष्यमा आक्रमण गरिएको छ, जुन आक्रमणमा परी २५० भन्दा बढी हमासका कार्यकर्ता मारिएका छन् ।

उनका अनुसार जसमा हमास राजनीतिक दलका एक दर्जन वरिष्ठ नेताहरू सामेल छन्। पहिलो दिनमै ६० आतङ्ककारी मारिएको दाबी गरिएको थियो । एफी डेफ्रिन भन्छिन्, ‘हामी हाम्रो योजना अनुसार हाम्रो अपरेशन गर्दैछौं। हाम्रा बन्धकहरूलाई मुक्त नगरेमा मात्र यो अपरेशन रोकिने छैन्।’

त्यसो त अक्टोबर ७ मा हमासको आक्रमणमा करिब १२०० इजरायली नागरिक मारिएका थिए। हमासले २५१ जनालाई बन्धक बनाएर गाजा पट्टीमा लगेको थियो । ५९ बन्धकहरू अझै हमासको हिरासतमा छन्। बन्धकहरूको रिहाइका लागि मात्र हमाससँग युद्धविराम भएको थियो। तर, यस बिचमा युद्धविराम पनि तोडिएको छ । 

पहिलो चरणमा हमासले ३३ बन्धकहरूलाई रिहा गरेको थियो भने बदलामा इजरायलले १९०० प्यालेस्टिनी बन्दीहरूलाई रिहा गरेको थियो। पहिलो चरण मार्च १ मा सम्पन्न भएको थियो। तर, दोस्रो चरणको वार्ता अघि बढ्न नसके पछि इजरायलले हमला जारी राखेको हो ।हमासले वार्तामा आफ्नो नयाँ माग राखेको छ कि दोस्रो चरणको युद्दबिराम गर्नु अघि हमासले गाजाबाट सम्पूर्ण इजरायली सेना फिर्ता गर्न सुरु नगरेसम्म एक जना पनि बन्धकलाई रिहा गरिने छैन् ।