काठमाडौँ । पन्चकन्या समूहले कविता नेपालीलाई एभरेस्ट र लोत्सेको (जुम्ल्याहा) शिखर आरोहण गर्न आर्थिक सहयोग गर्ने भएको छ ।

साहसीक कार्य गर्ने कविताको प्रयासलाई सफल बनाउन पन्चकन्या समूहले आर्थिक सहयोग गर्ने भएको हो । कविता नेपाली प्रसिद्ध फिटनेस आइकन र कलाकार हुन् । उनले यही चैत ३० गतेदेखी एभरेस्ट र लोत्से हिमालको आरोहण गर्दैछिन् ।

उनलाई एक कलाकारको रूपमा मात्र नभई बहुआयामिक प्रतिभा र राष्ट्रिय गौरवको प्रतीकको रूपमा सहयोग गरेको कम्पनीका प्रबन्ध निर्देशक प्रदिप कुमार श्रेष्ठले बताए । सन् २०१८ मा बुगी वुगी इन्टरनेसनल नृत्य प्रतियोगिता तथा चिनियाँ मार्सल आर्टमा समेत अब्बल सावित भएकी कविताले हिमालयमा पनि सफलता पाउने विश्वास कम्पनीले लिएको छ ।

पन्चकन्या समुहले सन् २०१३ मा माउन्ट किलिमान्जारो आरोहण गर्ने महिला टोलीलाई ४० औँ वार्षिकोत्सवको अवसरमा सार्वजनिक ब्यानर सहित हिमालको चुचुरोमा पुर्याएको थियो ।

अन्तर्राष्ट्रिय महिला दिवसको विशेष कार्यक्रमबिच घोषणा गरिएको यो प्रायोजनले आर्थिक सहयोग भन्दा अर्थपूर्ण, दीर्घकालीन प्रभाव सिर्जना गर्नेमा समूहको विश्वासलाई मूर्त रूप दिने कम्पनीले जनाएको छ ।