काठमाडौं । साताको तेस्रोदिन सेयर बजार बढेर बन्द भएको छ । आज नेप्से परिसूचक १ दशलमव ०३ अंकले बढेर २,६११ को विन्दुमा कायम भएको हो।

मंगलबार १२० कम्पनीको शेयर मूल्य बढेको छ भने १२६ कम्पनीको सेयर मूल्य घटेको छ । आज दिनभरिमा ३१८ कम्पनीको २ करोड ५ लाख ४२ हजार ७६४ कित्ता सेयर किनबेच हुँदा ८ अर्ब ७४ करोड माथिको कारोबार भएको छ ।

मंगलबार सबैभन्दा धेरै सानिमा माई हाइड्रोपावरको सेयर कारोबार भएको छ । यसदिन कम्पनीको ९२ करोड ८९ लाख रुपैयाँको कारोबार भएको छ । ङादी ग्रुप पावरको ६७ करोड ३२ लाख रुपैयाँको सेयर कारोबार भएको छ । राधि विद्युत कम्पनीको ३८ करोड २२ लाख रुपैयाँको सेयर कारोबार भएको छ ।

आज सबैभन्दा धेरै नेपाल माइक्रो इन्स्योरेन्सका लगानीकर्ताले कमाएका छन् भने विन नेपाल लघुवित्त वित्तीय संस्थाका लगानीकर्ताले सबैभन्दा धेरै गुमाएका छन् ।