ढाका । बंगलादेशमा आँधी र चट्याङका कारण १४ जनाको मृत्यु भएको छ । आइतबार बंगलादेशका विभिन्न क्षेत्रमा आएको आँधी र परेको चट्याङका कारण उनीहरूले ज्यान गुमाएका हुन् । 

स्थानीय स्रोतका अनुसार आइतबार दिउँसो किसानहरू खेतमा काम गरिरहेका बेला आएको आँधी आएको थियो । ढाकाबाट करिब १२२ किलोमिटर उत्तरमा रहेको मिमेन्सिंह जिल्लामा रुख ढलेर दुईजनाको मृत्यु भएको जनाइएको छ ।

ब्राह्मणबाडिया जिल्लामा पाँचजना, किशोरगन्ज जिल्लामा चारजना र शेरपुर, हबिगन्ज तथा नाओगाँ जिल्लामा एक–एकजनाको मृत्यु भएको छ ।

बंगलादेशमा यस्तो समयमा चट्याङ लागेर मानिसको मृत्यु हुँदै आएको छ । यस वर्षको अप्रिल २४ मा पनि दुई घण्टाभित्र नौजनाको चट्याङका कारण मृत्यु भएको थियो । 

विगत केही वर्षयता बंगलादेशमा चट्याङ लागेर हुने मृत्युको संख्या तीव्र रूपमा बढ्दै गएको छ । विज्ञहरूका अनुसार जलवायु परिवर्तनका कारण बंगलादेशयस्ता प्राकृतिक विपत्तिका निम्ति अझ बढी संवेदनशील बनेको छ ।