काठमाडौँ । कोरोना भाइरस (कोभिड–१९)को संक्रमणबाट बुटवल उपमहानगरपालिका ७ का वडा सदस्य नवीन थापामगरको मृत्यु भएको छ । उनको अस्पतालमा शय्या खोज्दाखोज्दै एम्बुलेन्समै गएराति मृत्यु भएको हो ।

नेकपा एमालेको वडाध्यक्षसमेत रहेका ४४ वर्षीय थापालाई ७ दिनअघि कोरोना पोजिटिभ पुष्टि भएको हो । अस्पतालमा बेड अभाव हुँदा होम आइसोलेसनमा बसेका उनलाई तीन दिनअघि घरमा नै अक्सिजन दिएर राखिएको थियो ।

उनको स्वास्थ्य थप जटिल भएपछि भैरहवास्थित अस्पताल लैजान क्रममा एम्बुलेन्समा मृत्यु भएको वडाध्यक्ष कमल प्रताप थापाले जानकारी दिए । यसअघि बुटवलमा एक जना वडा सचिवको कोरोनाबाट मृत्यु भएको थियो ।