काठमाडौं । साताकाे पहिलाे काराेबारकाे दिन सेयर बजार घटेर बन्द भएको छ ।

आइतबार बजार खुलेको केही समयमै नेप्से परिसूचक ३ हजारको बिन्दुमा पुगेको थियो । तर, बजार २३.९३ अंकले घट्दै २९५८.७१ बिन्दुमा बन्द भएको छ । ख

यसअघि गत वर्षको साउन ३१ गते बजार ३०००.१ बिन्दुसम्म पुगेको थियो ।

आज २६ अर्ब ५७ करोड ७४ करोड रुपैयाँको सेयर खरिदबिक्री भएको छ । गएको बिहीबार १८ अर्ब ४९ करोड रुपैयाँको सेयर खरिदबिक्री भएको छ ।

जसमा ६३ कम्पनीको सेयरमूल्य बढेको छ । यस्तै, १८६ कम्पनीको सेयरमूल्य घटेकोछ ।

समता घरेलु लघुवित्त वित्तीय संस्था र ट्रेड टावरको सेयरमूल्य १० प्रतिशतले बढको छ । आज शिवम् सिमेन्टको एक अर्बभन्दा बढीको सेयर खरिदबिक्री भएको छ । यो कारोबारमा आएका कम्पनीहरूमध्ये सर्वाधिक मूल्यको सेयर खरिदबिक्री हो ।

कारोबारमा आएका १३ समूहमध्ये पाँच समूहको परिसूचक बढेको छ । बाँकीको सेयरमूल्य घटेको छ ।